الصفحة الرئيسية › ثقافة

ثقافة إليك سفيان... إليك نــذير... بقلم المسرحي نورالدين الورغي

بقلم المسرحي نور الدين الورغي

إليك سفيان .. إليك نــذير...

صحافي

الراس عالي

والعقل صافي

يــعَبّـــرْ

يحَـبّـــــرْ

على الجيعان

والحافي..

القلم الماضي

لا يتكسّر

لا يولّي حافي...

يكتب

عالفــلَـقْ

والـــعَــلَــــــقْ

عاللي كذب واللي نهب

واللي ســـــــرقْ...

عالماء في الحبار

عالمحبرة عالــــسّــمَقْ...

عالقلم والبلومـة

الأصوات الناعقة

الثـــعبان والبـــــومـة...

عالشهيد في الدّم عـايـمْ

وصوتو للسماء

طالع لايـــمْ...

صحافي

يكتب عاللي

يــنَــــبّر

واللي يـــــخَـبّر

في جبهة الحقيقة

يــشــبّـــــــرْ...